Blog post 3

” 𝐇𝐎𝐋𝐈𝐃𝐀𝐘 𝐀𝐏𝐀𝐑𝐓𝐌𝐄𝐍𝐓𝐒 ” တွေဟာ

ကျနော်တို့ သိထားတဲ့ Condominium တွေနဲ့ အတူတူပဲလား ?

ဘာတွေ ကွာခြားမှု ရှိသလဲ ?

လူကြီးမင်းတို့ရော HOLIDAY LEASEHOLD APARTMENT နဲ့ Condominium တွေက အတူတူပဲ မှတ်ယူပြီး ဝယ်ယူထားတာမျိုး ရှိပါသလား ?

အကျဉ်းရုံးပြောရရင်

ကျနော်တို့ အများစု ဝယ်ယူနေထိုင်နေကြတဲ့ Condominium တွေဟာ ထိုင်းအစိုးရက ချမှတ်ထားတဲ့ Condominium Act အရ တရားဝင် မှတ်ပုံတင်/ register လုပ်ထားတဲ့ ကွန်ဒိုတွေပဲ ဖြစ်ပါတယ်။

HOLIDAY LEASEHOLD APARTMENT တွေကတော့ Thailand Condominium Act အောက်မှာ မှတ်ပုံတင်ထားတဲ့ အဆောက်အဦးတွေ မဟုတ်ကြပါဘူး။

ဒါဆို Thailand Condominium Act အရ မှတ်ပုံတင်ထားတဲ့ အဆောက်အဦး နဲ့ မှတ်ပုံတင်ထားခြင်း မရှိတဲ့ အဆောက်အဦး … ဘာတွေ ကွာခြားသလဲ ???

ဝယ်ယူထားတဲ့ သူတွေအပေါ် ဘယ်လို အကျိုးသက်ရောက်မှုတွေ ရှိမလဲ ???

Thailand Condominium Act အရ Land Department နဲ့ မှတ်ပုံတင်ထားခြင်း မရှိတဲ့ Apartment တိုက်ခန်းတွေဟာ မှတ်ပုံတင်ထားတဲ့ Condominium တွေထက် ဈေးသိသိသာသာ ပိုပြီးသက်သာသလို အားနည်းချက်တချို့လည်း ရှိပါတယ်။ တစ်ဦးချင်းစီ ပိုင်ဆိုင်ခွင့် (Individual Ownership Rights) မရှိတာ ၊ အိမ်ရှင်အိမ်ငှား အကာအကွယ်ပေးရေး ဥပဒေ (Tenant & Consumer Protection Law) အကျုံးမဝင်တာ … စတဲ့ လစ်ဟင်းမှုများစွာ ရှိပါတယ်။ အသေးစိတ်ကိုတော့ အောက်မှာ ဖော်ပြထားပါတယ်။

Condominium

Condominium Act အရ Register လုပ်ထားတယ်။ တစ်ဦးချင်း ပိုင်ဆိုင်မှု Title Deed ရှိတယ်။

Apartment

Lease Agreement အရ အဆောက်အဦးကို မျှဝေပိုင်ဆိုင်ခွင့်မရှိပဲ ကိုယ့်တိုက်ခန်းကိုသာ ကိုယ်ပိုင်ဆိုင်ပါတယ်။

Condominium

Freehold ဖြစ်တာကြောင့် ကိုယ့်အခန်းကို အချိန်မရွေး လွတ်လပ်စွာ အရောင်းအဝယ်‌ ပြုလုပ်နိုင်ပါတယ်။

Apartment

Developer/ Landlord ရဲ့ ခွင့်ပြုချက်ဖြင့်သာ ကိုယ့်အခန်းကို လက်လွှဲရောင်းချနိုင်ပါတယ်။ Leasehold ဖြစ်တာကြောင့် အငှားစာချုပ်မှာ လက်ရှိငှားရမ်း‌နေထိုင်သူ/ ရောင်းချသူ နေရာမှာ ဝယ်ယူသူ/ ငှားရမ်းသူအသစ်ကို အစားထိုးတဲ့ ပုံစံမျိုးပါ။

Condominium

အဆောက်အဦးရဲ့ Common Area ကို မျှဝေပိုင်ဆိုင်ခွင့် ရှိပါတယ်။

Apartment

Developer သာလျင် Common Area ကို ပိုင်ဆိုင်ပါတယ်။

Condominium

Condominium Act အရ Common Area ကို အခန်းပိုင်ရှင်များမှ စီမံခန့်ခွဲမှု Manage & Control လုပ်နိုင်ပါတယ်။

Apartment

Landlord / Developer သာလျင် (အခန်းပိုင်ရှင်တွေ သဘောတူတူ၊ မတူတူ) စိတ်ကြိုက် စီမံခန့်ခွဲပါတယ်။

Condominium

Condo Management System ကို အခန်းပိုင်ရှင်တွေရဲ့ Voting Right နဲ့ သွားပါတယ်။

Apartment

အခန်းပိုင်ရှင်တွေမှာ Voting Right မရှိပဲ Developer မှ ချမှတ်ထားတဲ့ စည်းကမ်းတွေကို သဘောတူတူ၊ မတူတူ လိုက်နာကျင့်သုံးရပါမယ်။

Condominium

Freehold ဖြစ်တာကြောင့် အချိန်အကန့်အသတ်မရှိ ပိုင်ဆိုင်မှု ဖြစ်ပါတယ်။

Apartment

နှစ် ၃၀ + ၃၀ + ၃၀ ငှားရမ်းပိုင်ဆိုင်ခွင့်ဖြစ်ပြီး ငှားရမ်းသူ Lesse ‌ကွယ်လွန်တဲ့အခါ ငှားရမ်းစာချုပ် ပျက်ပြယ်ပါတယ်။

ကျနော် ဆိုလိုချင်တာက Holidays Apartment/ Leasehold Apartment တွေက တရားမဝင်ဘူးလို့ ပြောနေတာ မဟုတ်ရပါဘူး။ လူတစ်ဦးချင်းစီမှာ မတူညီတဲ့ ရည်ရွယ်ချက်တွေ ရှိတာကြောင့် တခြားအားသာချက်တွေလည်း ရှိကောင်းရှိနိုင်ပါတယ်။

ဒါပေမယ့် Legal Protection မရှိတာကြောင့် ၊ ဥပဒေအရ အကာအကွယ်မပေးထားတာကြောင့် Developer ရဲ့ စာရွက်စာတမ်း ၊ စာချုပ် သဘောတူညီမှုတွေကိုတော့ သေသေချာချာ စစ်ဆေးသင့်ပါတယ်။

Condominium တွေက အစိုးရဥပဒေ ထိန်းချုပ်မှုအောက်မှာ ရာသက်ပန် ပိုင်ဆိုင်ခွင့် ရှိတယ်၊ Condominium Act နဲ့ အကာအကွယ်ပေးထားပါတယ်။ Apartment တွေကတော့ Civil & Commercial Code အရ ငှားရမ်းပိုင်ဆိုင်ခွင့်ဖြစ်ပြီး Private Agreement နဲ့သာ ကိုယ့်ကိုယ်ကို အကာအကွယ်ယူရမှာပါ။

Condominium ဝယ်ယူတဲ့အခါ Sales & Purchase Agreement SPA မှာ Condominium Act B.E 2522 ကို ဖော်ပြထားတာ တွေ့ရမှာပါ။ Transfer of Ownership ကို Land Department မှာ ပြုလုပ်ရမယ်ဆိုတာကိုလည်း ဖော်ပြထားပါတယ်။ ပိုင်ဆိုင်မှုအတွက် Title Deed နဲ့ Blue Book ကို ထုတ်ပေးပါတယ်။

Leasehold/ Holidays Apartment တွေမှာတော့ SPA မဟုတ်ပဲ Lease Agreement ချုပ်ဆိုရပါတယ်။ တချို့ Holiday Apartment တွေရဲ့ Developer တွေက House Book (tabien baan) ထုတ်ပေးပါတယ် (Title Deed မဟုတ်ပါ၊ Title Deed နဲ့ အတူတူ မဟုတ်ပါ)။

အားလုံး အဆင်ပြေကြပါစေ။